Duodjeinstituhtta galgá čađahit prošeavtta man ulbmil lea ođđasis ráhkadit sámi ruvdnomoarsi oaivečiŋaid ja silbarahka.
Sámi ruvdnomoarsi kruvdna/ oaivečikŋa lea leamaš anus guhká. Govat maid Sohpus Tromholt 1884-1888, Marcus Selmer 1819-1900, Iver Olsen ja Elisabeth Meyer 1939-1940 leat govven čájehit erenoamáš govaid ruvdnomorsiin geain leat oaivečiŋat/kruvnnat maid sápmelaččat leat ráhkadan. Muhtin guovlluin erenoamážit lullisámi guovlluin lea dábálaš geavahit haelsie/ silbarahka/ sølvkrage.
Davvisámi ruvdnomoarsi oaivečiŋa boarráset modealla dovdomearka lea ahte oaivečikŋa/kruvdna lea hervejuvvon iešguđetlágan ávdnasiiguin nu go láđđiin, bearraliiguin, liidnaliđiiguin, lávggastagaiguin ja iešguđetlágan báttiiguin nu go silkebáttiiguin ja lieđđehearvvat báttiiguin.
Galget ráhkaduvvot okta dahje máŋga kruvnna/silbarahka guđege regiovnnas. Oktiibuot galget 10 duojára oassálastit prošeavttas.
Duodjeinstituhtta ohcá duojára gii háliida searvat prošektii ja ráhkadit kruvnna, dahje ráhkadit silbarahka. Kruvdna ja silbarahka galget govvidit boares árbevirolaš modeallaid.
Galgá ráhkaduvvot sierra buvtta: Guovdageaidnu/ Máze,Áltá/Návuotna/ Láhppi ja Romssa/ Gáivuotna/ Nordlándda regiovnna, Kárášjohka ja Porsáŋgu.
Eambbo dieđuid prošeavtta birra oaččut jus válddát oktavuođa 98685597/ 90586151
Buktagiid ráhkadeami prošeaktaáigodat lea 14.12.21-30.06.22
Ohccán áiggi lea guhkiduvvon 10.01.2022
E-boasta postmottak@duodjein.no
Prošeavtta leat ruhtadan:
